Os consumidores galegos valoran a televisión de Movistar como a mellor
Por funcionalidades, oferta de canles e calidade, a operadora sácalle vantaxe aos seus competidores.
Presentación da canle de e-sports de Movistar.
O I Estudo de Operadores e Televisión realizado pola Unión de Consumidores de Galicia arroxa que Movistar ofrece a mellor televisión, con 9,28 puntos, sobre a base de mellores funcionalidades e oferta de canles, xunto coa mellor calidade.
Segundo este estudo, difundido este martes, o operador con peor puntuación é Orange, cun 5,48, seguido de R Cable, con 5,9 puntos. Na parte alta da táboa atópase Euskaltel, con 7,95 puntos, e Telecable, con 7,13 puntos; mentres que Vodafone obtivo 6,47 puntos.
Para realizar o estudo, a Unión de Consumidores de Galicia atendeu á lista de canles da oferta básica de televisión dos distintos operadores e tamén das principais plataformas de streaming (Netflix, HBO España, Wuaki TV e Amazon Prime Vídeo), así como as funcionalidades ofertadas e os datos de calidade.
Escribe o teu comentario