O Celta planta cara ao Atlético pero cae pola mínima
(0-1). Gameiro adiantou aos de Simeone e o equipo celeste non foi capaz de remontar.
Os vigueses non foron capaces de remontar. Foto: RC Celta
O Celta disputou algúns dos mellores minutos nesta tempada contra o Atlético. Os de Unzué dispararon máis a porta, tiveron a posesión do balón e protagonizaron máis chegadas á área rival, pero foi o cadro branquivermello o que se adiantou no marcador.
Fíxoo tras unha ocasión de Sergi Gómez, de cabeza, que a punto estivo de sorprender a un excelente Oblak. Precisamente, o balón no tanto madrileño chegou dun mal despexe do central celeste, que caeu nas botas dun Gameiro que non fallou na área pequena.
Na segunda parte o Atlético decidiu pecharse á espera de poder sentenciar á contra. O Celta aceptou o reto en busca da remontada. Aspas tivo o empate no minuto 57 cunha falta directa na que estrelou o esférico contra o traveseiro.
A 15 minutos para o asubío final Unzué deu entrada a todos os seus efectivos ofensivos. Guidetti e Emre Mor, dous dianteiros, entraron polo centrocampista Wass e o defensa Cabral.
Aínda que os vigueses botaron o resto polo empate, o gol non chegou.
FICHA TÉCNICA
0. CELTA: Sergio, Hugo Mallo, Cabral (Emre Mor, min.72), Sergi Gómez, Jonny, Lobotka, Wass (Guidetti, min.72), Pablo Hernández, Iago Aspas, Sisto, Maxi Gómez.
1. ATLÉTICO: Oblak, Juanfran, Savic, Godín, Lucas, Thomas, Gabi (Giménez, min.65), Saúl, Correa (Filipe Luís, min.87), Gameiro (Gaitán, min.60), Griezmann.
Goles: Gameiro (0-1, min.28).
Escribe o teu comentario