Puigdemont: cos sentimentos non se xoga

Junqueras e Puigdemont no Parlament.

Quedan poucas horas para coñecer a resposta que o presidente Puigdemont dará ao presidente Rajoy. Tal como se están producindo os acontecementos, se alguén non o remedia, a resposta será Si.

Con estas dúas letras, a que se aveciña en Catalunya é imaxinable. A irresponsabilidade de Puigdemont, Junqueras, os J&J e algún máis camuflado, -xa se coñecían as intencións iniciais da CUP- van levar a este país a un enfrontamento rueiro moi duro, ao retroceso na autonomía e a unha fenda social que non se vai pechar nunhas cantas xeracións. É a operación cangrexo de quen salta as leis e as institucións e que aínda queren ter razón.

Estender a man, falar de dialogo, cando se quere seguir montado no burro é impropio de gobernantes que dirixen a vida das persoas e dun país que están dispostos a sacrificar en nome da liberdade e os dereitos de quen?

Todo este tempo estívose xogando cos sentimentos das persoas, iso é un erro e unha actitude miserable por parte de quen o está facendo.

Os sentimentos, aínda que algúns non o crean, pódense controlar un certo tempo, pero non sempre e menos cando non se cumpre o proposto. Agora, chegados a este punto, os autores materiais deste proceso teñen un grave problema, moi difícil de controlar. Os miles de cidadáns que saíron ás rúas, confiando na mensaxe de que a independencia estaba máis preto que nunca, non se van conformar -unha pequena parte, si- e a súa resposta ante a promesa incumprida vai estar nesas rúas, pero xa non pacíficamente. Iso si, as rúas controladas polos antisistema que levan tempo preparando as 'guerrillas' urbanas e que van sementar a inseguridade alá por onde pasen. Isto non o prevían? Pensaban que isto ía ser un tranquilo paseo de domingo, con vermut incluído?

As rúas vanse converter nun escenario bélico. Non hai que esquecerse que os outros extremos, os radicais da ultra dereita levan xa un tempo en Barcelona preparándose para actuar e tampouco son irmás da caridade. Pero a quen lle importa as consecuencias? Aos que ata agora están a gobernar, xa estamos a comprobar que non, pero os de antes, os Pujol, Mas e compañía, canto peor mellor, esa é a súa filosofía. Mentres se fala destes temas, a xente esquécese dos corruptos.

Uns cuantos 'illuminates' están a xogar moi, pero que moi sucio. Son os ideólogos dun proceso que xa naceu morto. Eles sábeno, pero algúns queren pasar á historia como mártires. De verdade o cren?

Só cabe esperar, aínda que teño serias dúbidas, que as cousas terminen ben.

Dicía Charles Dickens que "hai cordas no corazón humano que sería mellor non facer vibrar". 

Artigo publicado previamente en Catalunyapress.