Os incendios en Galicia cóbranse dúas vítimas

Dúas persoas faleceron no interior dunha furgoneta tras verse atrapadas polo lume nun incendio que afecta á zona de Chandebrito, en Nigrán (Pontevedra).

Segundo confirmaron fontes municipais, as dúas persoas viaxaban nunha furgoneta cando se viron atrapadas polas chamas dun incendio.

Os lugares nos que está decretada a Situación 2 pola proximidade do lume a núcleos de poboación elévase a 13 logo de que fose activada ao fío das 22,00 horas do domingo nos municipios de Nigrán (Pontevedra) e Lobios (Ourense).

Segundo informa a Consellería do Medio Rural, o incendio que afecta o Concello de Nigrán obrigou a desaloxar a parroquia de Parada.

Así mesmo, en Lobios, tamén foi decretada a Situación 2 pola proximidade das chamas ás casas da parroquia de Araúxo.

15 CONCELLOS

Estes dous lugares súmanse outros 13 os concellos de Galicia nos que se activou a situación 2:

Nigrán, Lobios, Cervantes, Paderne de Allariz, Baiona, Chandrexa de Queixa, Baños de Molgas, Ponteareas, As Neves, Salvaterra de Miño, Gondomar, Cervantes e San Cristovo de Cea.

Así mesmo, efectivos da Garda Civil e a Policía Nacional han desaloxado a parte dos habitantes da poboación de Vincios, en Gondomar (Pontevedra), así como aos veciños dos núcleos de Devesa e Sobreira pola proximidade das chamas ás vivendas.

Ademais, outros núcleos de poboación da área de Vigo tamén están a ser desaloxados pola proximidade das chamas. 

A residencia de estudantes do campus da Universidade de Vigo, en Beade, tamén foi evacuada por precaución, do mesmo xeito que as persoas que permanecían a última hora deste domingo no centro comercial Travesía da cidade olívica.

CADEA HUMANA

Decenas de veciños Navia, en Vigo, realizan unha cadea humana na Avenida de Europa, que enlaza Coia con Samil, para sufocar con cubos e mangueiras o incendio que afecta a este barrio vigués.

Un dos focos do incendio, nas inmediacións dunha igrexa, foi controlado. A circulación está interrompida en varios puntos da cidade, como Beiramar, a Avenida Europa ou A Florida

A cidade de Vigo rexistra ás 00,00 horas da noite 27 graos centígrados e un forte vento, con refachos de ata 80 quilómetros por hora.

En declaracións á TVG, o alcalde vigués, Abel Caballero, fixo un chamamento á calma e asegurou que, polo momento, non hai que lamentar danos persoais.