As reservas do grupo sanguíneo A+ están baixas en Galicia en plena ponte de outubro

|

Unidadembildoaznsangue


As reservas do grupo sanguíneo A positivo (A+) mantéñense baixas na Comunidade galega, mentres que as da negativo (A-), Cero positivo (0+) e Cero negativo (0-) permanecen normais, segundo a información facilitada este venres pola Axencia de Doazón de Órganos e Sangue (ADOS).


Así, ADOS lembra que para poder atender as necesidades dos centros sanitarios galegos son necesarias 500 doazóns de sangue cada día, polo que subliña a importancia de acudir a doar de todos os grupos sanguíneos.


Co fin de facilitar a doazón, o vindeiro luns, 16 de outubro, acudirán unidades móbiles aos municipios coruñeses de Mugardos --diante da biblioteca municipal--, A Coruña --obelisco no Cantón e Facultade de Ciencias da Educación-- e Muros --diante do Concello--.


Tamén o luns ADOS desprazará unidades móbiles ás localidades luguesas do Páramo --campo da feira-- e Láncara --cruce da estación--. Ademais, acudirán outras aos municipios ourensáns de Baños de Molgas --diante do bar Gándara-- e Xunqueira de Ambía --fronte ao Consistorio--.


Ademais, irán unidades móbiles o luns aos concellos pontevedreses do Grove --Praza do Corgo--, A Illa de Arousa --Praza do Campo-- e Vigo --rúa Príncipe--.


relacionada Galicia, entre as comunidades máis altruístas en doazóns de sangue
relacionada Preocupación polo estancamento das doazóns de sangue en Galicia

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress