Andone: "Nunca na miña vida desexei que un compañeiro se lesione"

O dianteiro será titular contra o Éibar e chama a que o equipo se faga forte fóra da casa.


|

Andone

Remarcou a importancia de gañar fóra. Foto: RC Deportivo

"Temos que tentar facernos fortes fóra da casa e sacar puntos para poder ter máis tranquilidade". É o que Andone pide ao Dépor para o próximo partido contra o Éibar e o que queda de tempada.


O dianteiro sabe que será un partido complicado en Ipurúa, aínda que "non están a atravesar unha situación moi boa".


Andone será titular a fin de semana polas molestias de Lucas Pérez e Adrián, pero manifestou que "é algo que nunca na miña vida deseei". E é que sostén que el e Lucas son "compatibles" sobre o terreo de xogo".


E tivo palabras para outros dous futbolistas do Dépor. Un deles, Pantilimon, no que mostrou a súa confianza. "Está moi concentrado, é un gran porteiro que aos poucos se asentará neste equipo. Vai achegar tranquilidade, presencia baixo os paus e estou seguro de que será un alicerce importante", declarou.


Tamén dixo alegrarse pola renovación de Luisinho. "Está a render a gran nivel, parece que ten dez anos menos e espero que siga así", expresou. E quixo quitar importancia a que o portugués non leve brazalete. "É unha persoa moi querida e moi respectada no vestiario. Que non fose capitán non quere dicir que non o apoiemos ou queiramos, ao contrario", remachou.


relacionada Andone: "Tranquilidade, este equipo ten moito que falar"
relacionada Pantilimon xa coñece os compañeiros: "Andone só me falou cousas boas"
relacionada Andone: "Vou seguir fallando pero nunca me vou agochar"

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE