Unha quinta parte dos adultos galegos, en risco de padecer algún trastorno mental

|

SaudementalfeafesCartel dunha campaña de Feafes.


Un 21,6% da poboación adulta galega pode padecer algún trastorno mental ao longo da súa vida, segundo datos facilitados pola Consellería de Sanidade con motivo da celebración no 10 de outubro do Día Mundial da Saúde Mental.


En declaracións a Europa Press, a xefa do Servizo de Saúde Mental e Asistencia a Drogodependencias do Sergas, María Tajes, manifestou que estes datos reflíctense dun estudo epidemiolóxico que contou coa colaboración de Sanidade que estima, ademais, que un 7,4% dos adultos galegos no último ano padecería algún trastorno mental.


Tajes valorou a evolución da atención a pacientes con enfermidades mentais en Galicia e incidiu en que esta asistencia "céntrase na persoa, fuxindo de atencións centradas no hospitalismo".


Neste sentido, destacou a coordinación do Sergas con outras entidades e asociacións para posibilitar que o paciente "poida ser atendido e recuperado" co obxectivo de favorecer o seu inserción social e laboral.


SEGUNDO PROBLEMA MÁIS COMÚN


Pola súa banda, a Federación de Asociacións de Familiares e Persoas con Enfermidade Mental de Galicia (Feafes), sinalou nun comunicado que se estima que o 25 por cento das persoas terá un problema de saúde mental ao longo da súa vida.


Ademais, apunta que en Europa os trastornos mentais representan o segundo problema de saúde máis común no traballo. Os niveis de absentismo laboral, desemprego e solicitudes de incapacidade por problemas de saúde mental "non deixaron de aumentar nos últimos anos: o 10% dos problemas crónicos de saúde e de incapacidade son trastornos mentais e emocionais".


Feafes engade que en canto á prevalencia das enfermidades mentais, a Organización Mundial da Saúde (OMS) estima que en 2020, "a depresión será a segunda causa máis importante de incapacidade no mundo".


No relativo á inserción laboral das persoas con enfermidade mental, estímase que soamente un 15,9 por cento delas traballa, "a pesar de ser o segundo grupo máis numeroso de persoas con discapacidade en idade laboral", engade.


relacionada Sen recursos nin persoal, o plan contra o suicidio segue lonxe do seu obxectivo
relacionada A oposición urxe un plan de saúde mental, a "irmá pobre" da sanidade pública

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress