A CNMV autoriza a OPA de Atlantia sobre Abertis case catro meses despois

|

Abertis



A Comisión Nacional do Mercado de Valores (CNMV) autorizou a oferta pública de adquisición de accións (OPA) que Atlantia lanzou o pasado 15 de xuño sobre a totalidade do capital de Abertis, unha operación valorada en 16.341 millóns de euros coa que a italiana busca conformar un dos primeiros grupos de infraestruturas do mundo.


O supervisor dá 'luz verde' á operación ao entender que "se axusta ás normas vixentes" e por considerar "suficiente" o contido do folleto explicativo, "tras as últimas informacións incorporadas o pasado 5 de outubro".


A CNMV aproba a OPA case aos catro meses de que a compañía italiana a presentase formalmente en xuño, dous meses despois de que a mediados de abril Atlantia recoñecese o seu interese pola compañía española de autoestradas e satélites.


O 'visto e prace' do supervisor e o período de aceptación tamén marca o prazo co que ACS conta a partir de agora para lanzar a súa eventual OPA competidora. O grupo que preside Florentino Pérez ten tempo ata cinco días antes de que conclúa o prazo de aceptación que fixe o supervisor.


Amplía esta información en Pressdigital.


Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress