O rei emérito inaugura o martes a exposición do Pergamiño Vindel

|

Pergaminovindel


A exposición do Pergamiño Vindel, un manuscrito con sete 'cantigas de amigo' de Martín Códax, será inaugurada na tarde deste martes día 10 nun acto presidido polo Rei Juan Carlos I, no que se descubrirá unha placa e se fará un percorrido pola sala de exposicións do Museo do Mar de Galicia, en Vigo.


Despois de que o Morgan Library&Museum de Nova York cedese temporalmente o documento á Universidade de Vigo (UVigo), o pergamiño chegou á cidade olívica o pasado 26 de setembro, e actualmente atópase depositado no museo vigués dentro dunha urna especial e nunha estancia acondicionada para albergalo.


Este espazo foi reformado cun investimento de case 200.000 euros para poder "controlar" as condicións de luz, humidade e temperatura de forma que permanezan estables. Trátase, ademais, dun espazo para facer fácil a vixilancia do documento, que se atopa en moi bo estado, debido a que foi restaurado e "moi ben tratado", e a que os materiais son duradeiros.


UN DOCUMENTO "ÚNICO"


O xefe de manuscritos medievais e do renacemento do Morgan Library&Museum, Roger S. Wieck, destacou previamente á entrega temporal do pergamiño que, "cando a petición veu desde Vigo, dalgunha maneira tocou --os seus-- corazóns, porque --pensaron-- que será moi especial permitir que este manuscrito único volva ao lugar do que procede".


Ademais do seu valor literario, este manuscrito ten a peculiaridade de que seis das composicións, non relixiosas e en lingua galego-portuguesa, están acompañadas de pentagramas musicais, sendo, xunto coas de Don Dinís, unha das dúas 'cantigas' manuscritas do século XIII que sobreviviron coa súa música".


relacionada A Xunta non convida o goberno local de Vigo aos actos do Pergamiño Vindel
relacionada Regresa a Galicia o Pergamiño Vindel para quedar seis meses

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress