O PSOE impulsa a reprobación no Congreso de Soraya Sáenz de Santamaría

|

SorayasantamariaSáenz de Santamaría, sinalada como responsable das cargas.

O PSOE anunciou a presentación dunha iniciativa no Congreso coa que pretende a reprobación da vicepresidenta do Goberno, Soraya Sáenz de Santamaría, como responsable das instrucións que deron lugar ás cargas policiais en Cataluña con "centos de feridos" na xornada do referendo independentista.


Segundo explicou a portavoz do Grupo Socialista, Margarita Robles, en rolda de prensa no Congreso, o PSOE presentará unha interpelación ao Goberno para o seu debate a próxima semana con idea de que, sete días despois, o 17 de outubro se vote a reprobación da vicepresidenta.


"Estamos co Estado de Dereito e apoiamos as forzas de seguridade, pero a responsabilidade política última é da vicepresidenta do Goberno", proclamou antes de aclarar que condenou "con toda enerxía" as cargas policiais, pero exime de toda responsabilidade os policías e os gardas civís, enviados en precarias condicións laborais a Cataluña.


Doutra banda, Robles tamén lamentou que a comparecencia do presidente do Goberno se demore á semana seguinte.


PODEMOS DÁ O SEU APOIO


Podemos anunciou este martes que apoiará a reprobación de Soraya Sáenz de Santamaría, pero avisou de que será "inútil" e insuficiente porque o Executivo seguirá gobernando coa súa "actitude autoritaria e violenta" e porque o máximo responsable do que ocorreu o domingo é Rajoy.


Así o expuxeron varios dirixentes do partido morado, que aproveitaron a proposta do PSOE para volver esixir ao líder socialista, Pedro Sánchez, que encabece unha moción de censura contra Rajoy, como a única forma de "reprobar de verdade" ao Goberno.


"Se o PSOE quere reprobar de verdade e non só a medias, o mecanismo é a moción de censura", avisou a portavoz de Podemos no Congreso, Irene Montero, en rolda de prensa, na que anunciou o voto afirmativo do seu grupo á proposta do PSOE, pero mostrou os seus reservas.


"IRESPONSABLE"


O portavoz parlamentario do PP, Rafael Hernando, considera "moi irresponsable" e "moi inoportuno" que Pedro Sánchez expuxese no Congreso a reprobación da vicepresidenta e cre que se "equivoca" situándose á beira de Unidos Podemos e Esquerra Republicana (ERC).


"Nuns momentos coma estes, o que necesitamos precisamente son mensaxes de unidade e non de confrontación entre os constitucionalistas", proclamou o dirixente 'popular' en declaracións aos xornalistas.


DECLARACIÓN DE INDEPENDENCIA


O secretario xeral de Ciudadanos, José Manuel Villegas, advertiu este martes ao Goberno de que canto máis tarde en reaccionar ao que ocorre en Cataluña, máis empeorará a situación. "Esperar a que rompa o país para actuar é contraproducente", sinalou.


En rolda de prensa no Congreso, Villegas instou ao Executivo de Mariano Rajoy a facer algo antes de que o Parlament aprobe unha declaración unilateral de independencia "nas próximas horas ou nos próximos días".


relacionada Miles de cataláns participan nas manifestacións contra a actuación policial
relacionada Pedro Sánchez reclama a Rajoy abrir unha negociación "inmediata" con Puigdemont
relacionada Bruxelas reprende a España porque "a violencia nunca pode ser instrumento en política"

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress