A mesa da seca declara este luns a alerta en varias zonas de Galicia

A medida afecta á conca Galicia-Costa, en prealerta desde principios de ano pola escaseza de choivas.


|

Aguafuente


A mesa da seca reúnese este luns, día 2 de outubro, coa previsión de declarar a alerta en varias zonas da conca Galicia-Costa, na que xa está decretada a prealerta desde comezos de ano debido ás escaseza de precipitacións.


En concreto, Augas de Galicia manexa a previsión de que entre catro e seis zonas pasen de prealerta a alerta, e descarta que este paso se adopte para toda a demarcación.


Unha vez acabado o ano hidrolóxico, este sábado 30 de setembro, técnicos de todos os departamentos da Xunta con competencias na materia se reunen o luns para tomar esta e outras decisións.


O director xeral de Augas, Roberto Rodríguez, aclarou hai días que do que se fala é dunha seca hidrolóxica, algo que "non hai que identificar con que poida haber escaseza nos recursos".


A parte sur de Ourense é a máis afectada, pero as incidencias nesta área afectan, maioritariamente, a núcleos rurais e traídas veciñais ás que se garantiu a subministración con cisternas. De feito, as primeiras consecuencias nótanse en pozos e acuíferos.


Aínda que a Xunta está "preocupada" tras nove meses de déficit de choivas, valora que agosto "resistiu mellor do que se esperaba", e que por diante hai un outono que, se é normal en canto a choivas, fará que a situación tenda, precisamente, cara á normalidade.


AS CONSECUENCIAS DA ALERTA


A declaración da alerta nalgunhas zonas da comunidade galega non tería "efecto inmediato" sobre a cidadanía, segundo indicou hai unha semana Roberto Rodríguez.


"Auga hai. O que temos é que adoptar medidas para protexela, para preservar os recursos, mediante o seu uso adecuado", apuntou o director xeral.


relacionada Unha gandeira de Viana denuncia por carta o abandono da montaña oriental ourensá
relacionada Seis zonas de Galicia teñen un "risco real" entrar en alerta por seca en outubro

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE