O Celta deixa escapar a vitoria nos últimos instantes
(1-1). Maxi Gómez volveu marcar, pero un desaxuste defensivo no 85 permitiu que o Xetafe empatase o encontro.
Maxi Gómez volveu marcar. Foto: RC Celta
O Celta tivo a vitoria na súa man e deixouna escapar. Os de Unzué chegaron á recta final do partido con vantaxe no marcador grazas a un novo tanto de Maxi Gómez, pero a falta de cinco minutos para o asubío final un desaxuste defensivo serviu o empate a un cadro azulón que nunca se rendeu.
A imaxe do Celta mellorou respecto da pasada xornada no campo do Espanyol e os vigueses conseguiron ter o balón.
A cuarta diana de Maxi Gómez en cinco xornadas, o regreso de Tucu e o debut en partido oficial do canteirán Brais Méndez, titular, foron algunhas das notas máis positivas deste encontro.
O Celta completará esta semana atarefada o domingo, coa disputa do terceiro partido de Liga en sete días. Os celestes visitan o campo do Eibar.
FICHA TÉCNICA
1-CELTA: Sergio, Hugo Mallo, Sergi Gómez, Fontàs, Jonny, Pablo Hernández, Brais Méndez (Emre Mor, min.59), Jozabed (Wass, min.81), Iago Aspas, Sisto (Lobotka, min.74), Maxi Gómez.
1-XETAFE: Guaita, Damián, Djené, Cala, Antunes, Arambarri, Bergara, Portillo (Ángel, min.56), Fajr (Álvaro, min.56), Amath (Jefferson Montero, min.75) e Molina.
Goles: Maxi Gómez (1-0, min.25); Ángel, (1-1, min.85).
Escribe o teu comentario