Volven avistar unha balea azul en augas galegas, preto de Ons
O Bottlenose Dolphin Research Institute, con sede no Grove, conseguiu captura en fotografías o exemplar de 24 metros.
Conseguiron fotografar a balea. Foto: BDRI
As augas galegas seguen dando sorpresas aos investigadores. Este mércores, o Bottlenose Dolphin Research Institute (BDRI), con base no Grove, documentou o avistamento dunha balea azul fronte a Ons.
A entidade confirma que se trata dun exemplar adulto duns 24 metros, ao que puideron fotografar.
Nas súas redes sociais, o instituto debulla a riqueza en biodiversidade mariña que puideron observar nas augas galegas. A modo de resumo, ademais da balea azul, avistaron tamén estes días cinco exemplares de rorcual, 11 caldeiróns, 25 toniñas comúns, centos de golfiños comúns e arroaces.
A balea azul, unha especie en perigo de extinción, pode tratarse do mesmo exemplar visto hai poucos días en augas da ría de Muros, pero o BDRI non o confirmar de momento.
Escribe o teu comentario