O PSdeG reclama a rehabilitación das estacións de ferrocarril do rural
Os socialistas tratan de impulsar desde o Senado un plan de conservación antes de que se "estraguen definitivamente".
Estación rehabilitada, en Baños de Molgas.
O senador do PSdeG pola provincia de Ourense, Luis Manuel García Maña, denunciou ante o Goberno central a situación de "abandono" das estacións de ferrocarril no rural galego.
Nun comunicado, o dirixente socialista explicou que preguntou ao Executivo estatal se poñerá en marcha un plan de rehabilitación destas infraestruturas antes de que se "estraguen definitivamente".
Ademais, o senador socialista lembrou que, o pasado 14 de setembro, presentouse en Madrid a tempada de outono dos trens turísticos de Galicia.
Entre os presentes no acto, segundo indicou, atopábase o xerente da área Comercial de Renfe, Javier Díaz, a quen trasladou que "debería evitarse" esta situación de "abandono" na que, segundo denunciou, se atopan as estacións do rural, así como outros edificios anexos.
O dirixente socialista asegurou que, no acto, o xerente aseguroulle que trasladaría esta queixa a ADIF.
Adif finaliza a homoxeneización estética das estacións do Eixo Atlántico
Adif rehabilitará a cuberta histórica da estación da Coruña
Escribe o teu comentario