Rajoy: "Vannos obrigar ao que non queremos chegar"
O presidente pecha a porta a negociar un referendo legal a estas alturas e defende a actuación da Xustiza e a policía.
O presidente do Goberno pechou calquera porta para negociar a estas altuas a celebración dun referendo legal en Cataluña e avisou ao presidente da Generalitat, Carles Puigdemont, de que non o poderá celebrar de forma unilateral, e engadiu: "Vannos obrigar ao que non queremos chegar".
"Dígoo coa mesma serenidade que firmeza: non haberá referendo", expuxo nunha intervención ante a Xunta directiva do PP catalán reunida de forma extraordinaria en Barcelona, onde advertiu a Puigdemont de que canto máis tarde en rectificar máis grave serán as consecuencias.
Pediu que "non subestimen a forza da democracia española" e defendeu as actuacións realizadas ata agora pola Fiscalía e os corpos policiais contra a consulta, ademais de asegurar que, ata o referendo, o Estado vai seguir actuando porque é a súa obrigación, segundo dixo.
Escribe o teu comentario