As redes de saneamento, a vista de dron

Viaqua inspeccionou unhas instalacións no Porto de Ferrol sen ter que entrar baixo terra, grazas a un destes aparellos fabricado para estes traballos.

Redacción
| Venres, 15 de Setembro de 2017, 13:18

O dron proporciona imaxes en alta resolución e térmicas.

A empresa de xestión da auga Viaqua inspeccionou esta semana a Estación de Regulación de caudais do Porto de Ferrol, onde chega a rede de saneamento da marxe dereita da Ría, sen ter que entrar baixo terra.

Viaqua, que gañou o concurso público convocado por ACUAES para esta infraestrutura, empregou un dron "especificamente fabricado para este tipo de traballos", tal e como informou nun comunicado.

O aparello está equipado cunha cámara e protexido cunha carcasa, e "pode entrar uns 400 metros no interior de conducións que teñan un diámetro de máis de 40 centímetros".

Viaqua conta que está indicado para actuar "en espazos confinados -pozos de bombeo, galerías subterráneas, tanques de tormenta- ou de moita profundidade, lugares inaccesibles para o persoal". Ademais, ten a vantaxe e eliminar riscos aos traballadores, aforra custos e tempo e obtén imaxes en alta resolución e térmicas.