O reforzo policial de Santiago non ten data de caducidade
A pesar das peticións de que a unidade de antidisturbios teña sede permanente na capital, o Goberno non contempla esa necesidade.
O delegado do Goberno en Galicia, Santiago Villanueva, afirmou este venres que, "se as necesidades de seguridade" o aconsellan, Santiago "mantería en outubro tamén" a Unidade e Intervención Policial (UIP) que funcionou nos últimos meses na capital galega.
Ante as peticións de que a unidade de antidisturbios teña sede permanente en Santiago, Villanueva incidiu en que a UIP en Santiago "empezou en xullo, prolongouse a agosto, posteriormente a setembro" e, a partir de aí, "en función das necesidades", mobilizarase para a capital galega ou para outros sitios.
"Hai dúas sedes da UIP en Galicia: na Coruña e Vigo", sinalou Villanueva, quen esgrimiu que os efectivos da unidade "actuarán onde sexa necesario" e os mandos policiais "situaranse nun sitio ou outro" segundo a demanda.
"Neste momento, considerouse necesario que a unidade seguise en Santiago e, se en outubro, en función das necesidades de seguridade, se considerase igualmente, manteríase tamén", concluíu.
As policías locais galegas recibirán formación en materia antiterrorista
Os policías alertan das carencias na loita antiterrorista en Santiago
Santiago descarta pechar completamente ao tráfico a praza do Obradoiro
Escribe o teu comentario