Sanidade négase a admitir que o peche de camas causou problemas no verán

|

Pacientesenfermerashospital


O director xeral de Asistencia Sanitaria, Jorge Aboal, asegurou que a ocupación das camas nos hospitais do Servizo Galego de Saúde durante o verán roldou o "75%" e insistiu en que "o 100%" están dispoñibles "se son necesarias".


Sanidade insiste en negar as queixas das asociacións de pacientes, que durante a época estival denunciaron colapsos en Urxencias derivados do peche de camas ou de plantas.


Así o destacou durante a súa comparecencia na Comisión de Sanidade do Parlamento de Galicia en resposta a unha pregunta da deputada de En Marea, Eva Solla, quen se interesou pola situación dos hospitais galegos durante o verán.


Respecto diso, o director xeral de Asistencia Sanitaria explicou que un total de "24.337 profesionais" da sanidade pública gozaron das súas vacacións durante os tres meses do verán e que o "78%" deles, fixérono en "xullo ou agosto", "uns 18.982".


LISTA DE ESPERA NON ESTRUTURAL


Ademais, debullou distintos datos por áreas sanitarias que situaban a taxa de cobertura das substitucións en enfermería entre un "55 e un 85%". Así, por exemplo, destacou que en Santiago a taxa foi do "85%" e que en Pontevedra se situou no "58%".


Na comisión, Eva Solla volveu pedir á Xunta que faga públicos todos os datos relativos ao número de persoas incluídas na lista de espera non estrutural do Sergas.


Sobre esta cuestión, o director xeral limitouse a explicar que esta lista se sitúa no "16,6%" dos pacientes en espera que rexeitaron ser atendidos nun centro concertado ou nun do Sergas.


relacionada Esixen a apertura "inmediata" da planta do Hospital do Salnés pechada no verán
relacionada Pacientes nos corredores do Clínico de Santiago e camas que seguen pechadas
relacionada A Marcha Branca denuncia cifras récord de camas pechadas en Galicia
relacionada Clamor contra o "indecente número de camas" pechadas nos hospitais

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress