Feijóo quere levar a súa rifa con Villares máis aló e cuestionar a súa volta ao TSXG

|

Villarespechecampaa 1Villares, no peche da campaña das autonómicas.


Núñez Feijóo defendeu este xoves que é "máis necesario que nunca" reabrir o debate sobre o retorno á carreira xudicial de quen, procedente deste ámbito, ocupase cargos políticos.


Manifestouno un día despois de criticar con dureza no Parlamento galego o portavoz de En Marea, Luís Villares, maxistrado do Tribunal Superior de Xustiza de Galicia (TSXG) en excedencia, por participar nos actos da Diada.


Tras manifestar o seu desexo no Hórreo de que Villares "non volvese ditar unha sentenza en Galicia", Feijóo apelou este xoves a reabrir o debate sobre a reincorporación á carreira xudicial "de persoas que tiveron cargos importantes nun partido".


"Creo honradamente, en nome da independencia do poder xudicial, que deberiamos reabrir ese debate para dar seguridade xurídica á xente e trasladar que os xuíces só teñen un compromiso: o cumprimento da lei", esgrimiu.


QUE DECIDA O CGPJ


Preguntado acerca de se o Consello Xeral do Poder Xudicial (CGPJ) debería sancionar a Villares pola súa postura sobre o 1-O, Feijóo rexeitou "decidir" en nome do mesmo, aínda que subliñou que, ante "xuíces cuxo compromiso é incumprir a lei e chamar á insubmisión, o CGPJ ten elementos suficientes para tomar decisións no ámbito das súas competencias".


"Ao CGPJ corresponderalle velar por que todos os xuíces en España se sometan ás propias sentenzas que emiten os seus compañeiros ou eles mesmos", resolveu o presidente galego.


relacionada Feijóo espétalle a Villares: "Espero que non volva ditar unha sentenza"

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress