E se as urnas do referendo non están en Cataluña, senón na Coruña?

|

UrnametacrilatoAs urnas habituais son propiedade do Estado.


Xunto ás papeletas, outro dos asuntos máis opacos do referendo ilegal que os independentistas preparan en Cataluña é se, como asegurou en reiteradas ocasións o Govern, teñen xa as urnas para a votación e onde están.


Así mesmo, o Estado, que é dono das urnas que se usan habitualmente nas eleccións, non escatima recursos para frear o desafío secesionista e as forzas de seguridade teñen a orde de intervir o material para impedir a votación anulada polo TC.


Por iso, as investigacións sobre as urnas chegaron a Galicia, onde axentes da Policía Nacional, tal e como relatan distintas informacións xornalísticas, acudiron a varias empresas da Coruña que teñen a capacidade de fabricar urnas de metacrilato (que foron de cartón no 9N).


Segundo La Voz, a investigación iniciouse despois de que a Policía Nacional recibise unha información na que se abría a posibilidade de que unha compañía coruñesa fabricase de forma clandestina as urnas. Con todo, no rexistro comprobaron que non era certo.


Pero tal e como apunta La Opinión, na procura traballa tamén a Garda Civil e o Centro Nacional de Intelixencia, e están a acudir a máis empresas para saber se recibiron o pedido da Generalitat para as 8.000 urnas.


relacionada A Xustiza cita os alcaldes que desobedezan a suspensión do referendo
relacionada A Fiscalía ordena aos Mossos impedir a preparación e a votación do 1-O
relacionada O TC suspende a convocatoria do referendo e notifícallo aos alcaldes
relacionada Os voluntarios do referendo, avisados de que "participarían nunha ilegalidade"

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress