Andone: "Tranquilidade, este equipo ten moito que falar"

O dianteiro séntese máis importante esta tempada e defende que Pepe Mel "está moi encima" dos xogadores.


|

AndoneriazorcelebracionAndone, celebrando o seu gol en Riazor. Foto: RC Deportivo.


A intranquilidade polos malos resultados aínda non está a calar no vestiario do Dépor. Iso, polo menos, conta Florin Andone, que declara que "eu non estou nada nervioso. Estou moi confiado neste equipo, no corpo técnico. É verdade que de nove puntos só temos un, pero quedan 35 xornadas máis".


Polo tanto, o dianteiro pide ao deportivismo "tranquilidade, este equipo ten moito que falar". E tentarao na próxima cita. "Escapáronnos puntos e non tivemos a sorte ou a capacidade de gañar. Imos coa mentalidade de gañarlle ao Betis nun estadio moi complicado", conta o xogador.


Andone séntese "máis importante" este ano. "Síntome moito mellor, estaba moi tranquilo e confiado de que este ano ía ser mellor", explicou. Aínda que asume a autocrítica feita por Juanfran e recoñece que "hai xogadores bos que temos que subir o nivel", pero o vestiario confía.


O dianteiro contou que Pepe Mel "está moi encima de nós, quere corrixir cousas que fallamos nos partidos. Quérenos axudar, facer mellores. Corríxenos cousas a cada un individualmente e estanos axudando moito".


E sobre Pantilimon afirma que "é un gran porteiro que nos vai ofrecer seguridade baixo paus". E, sen menosprezar a Tyton e Rubén, incidiu en que "Pantilimon na selección é un líder no vestiario e aos poucos aquí collerá esa responsabilidade porque é dos que valen para iso".


relacionada Andone: "Vou seguir fallando pero nunca me vou agochar"
relacionada Pepe Mel recoñece o salto de calidade do Dépor: "Teño un gran equipo"
relacionada Juanfran fai autocrítica: "Temos que subir o nivel"

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE