Atrapan un home que apuñalou a unha muller en Silleda
A moza atópase ferida. Os investigadores apuntan que non existía ningún tipo de relación sentimental entre eles.
Un home foi detido este mércores tras agredir cun coitelo a unha muller en Silleda. Entre ambos non existía ningunha relación sentimental, segundo fontes da Garda Civil consultadas por Europapress, polo que os investigadores consideran que non se trata dun caso de violencia machista.
Os feitos ocorreron en torno ao mediodía deste mércores en Silleda. A moza apuñalada atópase ferida, foi evacuada ao Clínico de Santiago en ambulancia, aínda que chegou a desprazarse un helicóptero por se necesitaba un traslado urxente.
En principio, segundo apuntan as mesmas fontes, non se trata dun novo caso de violencia de xénero, debido a que entre eles non había relación sentimental algunha. A TVG apunta a que o suceso se produciu nunha discusión laboral.
A moza de apuñalada pola súa ex parella en Santiago sae da unidade de críticos
Detido un home en Boiro por matar a puñaladas unha muller de 66 anos
Escribe o teu comentario