Un coche atropela en Muros a un garda civil que circulaba en bicicleta

Tivo que ser evacuado en helicóptero ao hospital, pero o seu estado non é de gravidade. Máis dunha decena de feridos en accidentes de tráfico este día.


|

GesciclistaesteiroO ciclista foi evacuado en helicóptero.


Un axente da Garda Civil resultou ferido ao ser arroiado cando circulaba en bicicleta por un vehículo no municipio coruñés de Muros. En concreto, na parroquia de Esteiro.


Segundo informou este martes o CIAE 112 Galicia, o accidente tivo lugar ás 19,00 horas do luns e, debido á gravidade das feridas do ciclista, foi mobilizado ata o punto o helicóptero medicalizado con base en Santiago.


Ademais dos servizos sanitarios, o 112 Galicia informou os efectivos do GES de Muros, á Garda Civil de Tráfico e á Policía Local.


Pola súa banda, fontes da Garda Civil informaron este martes que o ferido é un axente da Comandancia de Noia. Ademais, explicaron que evoluciona favorablemente no hospital e que o seu estado non é de gravidade.


MÁIS ACCIDENTES ESTA NOITE


Outros accidentes de tráfico deixaron nas estradas galegas máis dunha decena de feridos este luns.


Un total de catro persoas resultaron feridas ao chocar dous vehículos na N-651, á altura do cruzamento que vai ao centro urbano de Cabanas. Foron trasladados polo persoal sanitario ao Hospital Arquitecto Marcide de Ferrol.


Por outra banda, tamén na noite do luns, outras dúas persoas resultaron feridas, unha delas menor, ao saír da vía o vehículo no que viaxaban no lugar de Brión de Arriba, ao pasar a rotonda en dirección A Picaraña, en Brión (A Coruña).


Na cidade da Coruña, unha colisión por alcance entre tres vehículos deixou a outras duas persoas feridas, aínda que os axentes da Policía Local confirmaron que non parecían revestir gravidade.


E en Vigo, tres feridos máis por unha colisión entre dous vehículos, á altura do Auditorio Mar de Vigo.


relacionada Dous ciclistas atropelados e dúas persoas falecidas en accidentes de tráfico
relacionada Dous ciclistas, feridos en accidentes na provincia de Pontevedra
relacionada Os ciclistas piden que axentes camuflados castiguen os condutores imprudentes

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE