Un paciente falece no CHUAC sen realizar unha proba porque non había anestesistas

|

Pacienteshospital


O Defensor do Paciente solicitou á Fiscalía galega que investigue de oficio se houbo "abandono de funcións e abandono" dun paciente de 82 anos que ingresou no Complexo Hospitalario Universitario da Coruña (Chuac) na noite do 23 ao 24 de xuño e que faleceu 13 días despois.


En declaracións a Europa Press, a filla do falecido asegurou que o seu pai ingresou no hospital "con dores abdominais e feces con sangue".


"Necesitaba unha colonoscopia, pero ían pasando os días e non lle fixeron nada", engadiu. Sobre a xustificación recibida, expuxo que a explicación que recibiu é que "non había anestesistas para facer esa proba".


Tamén precisou que presentou unha reclamación pero que non recibiu resposta ata a data e que, por iso, decidiu poñerse en contacto co Defensor do Paciente.


"ATENCIÓN ADECUADA"


Eeste, pola súa banda, remitiu un escrito á Fiscalía galega para que determine se se cometeu "unha abandono de funcións" por parte dos profesionais que atenderon a este home e que se depuren as posibles responsabilidades.


Pola súa banda, desde o Chuac aseguraron a Europa Press que xa se respondeu á reclamación desta muller. Tamén subliñaron que o paciente "recibiu a atención adecuada por parte dos profesionais do centro en función do seu estado de saúde".


Na mesma liña, remarcaron que, aínda que sexa período vacacional, o centro hospitalario "conta con todos os servizos cubertos". Mentres, recalcaron que facilitarán á Fiscalía toda a información que lles sexa solicitada no caso de que se produza esta petición.


relacionada As Urxencias do CHUAC, minguadas no verán, colapsan catro días despois
relacionada As Urxencias do CHUAC quedan sen padiolas e provocan atrasos ás ambulancias
relacionada Traballadores do Chuac rebélanse contra a política de peche de camas no verán

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress