A Guarda pecha de forma simbólica a auga de duchas e fontes
O Concello trata de concienciar os veciños de evitar o malgasto, aínda que non houbo problemas de subministración.
Fonte da localidade. Foto: Concello da Guarda
O Concello de A Guarda chamou aos seus veciños a consumir auga "de forma racional", e "simbólicamente" puxo en marcha unha campaña preventiva e de concienciación para evitar malgastar auga.
Tal e como informou a Europa Press o alcalde, Antonio Lomba, a localidade abastécese de auga a través dunha condución desde Tui e de mananciais propios, os cales diminuíron o seu caudal, polo que se adoptaron estas medidas.
Así, aínda que aclarou que a subministración se mantén as 24 horas do día, explicou que se optou por cortar a auga nas duchas e lavapés das praias, así como en fontes con circuíto aberto de auga.
Son medidas "simbólicas" coas que, remarcou, pretenden que a xente se conciencie de que se segue sen chover e se mantén o consumo de auga, o Goberno pode verse "obrigado a facer cortes".
En todo caso, mostrouse convencido de que as choivas empezarán pronto e restablecerase o caudal local.
Galicia entrará en alerta por seca se non choven 70 litros por metro cadrado en setembro
A seca obriga a levar auga en camións cisterna a municipios de Ourense
"A metade das reservas de auga en Galicia pérdense durante o transporte"
Escribe o teu comentario