Precariedade laboral, reforma sanitaria e Meirás, temas pendentes do Parlamento

|

XuntaportavocesparlamentoReunión dos portavoces do Parlamento.


O primeiro pleno tras o período estival, que terá lugar a semana próxima, será o escenario no que o presidente da Xunta deba responder os grupos da oposición sobre cuestións tan diversas como a precariedade existente no mercado laboral, a supresión das áreas sanitarias e a situación do Pazo de Meirás.


En concreto, sobre o primeiro aspecto interpelará ao mandatario autonómico o portavoz de En Marea, Luís Villares, quen subliñou --en rolda de prensa ao termo da reunión para fixar a orde do día da sesión plenaria-- que Galicia ten "a maior taxa de mortalidade laboral" de España debido ao seu alto nivel de "precariedade".


Na quenda dos socialistas, Xoaquín Fernández Leiceaga abordará a supresión de catro áreas sanitarias ao amparo do anteproxecto de reforma da Lei de Saúde. "É unha mala noticia", remarcou o portavoz do PSdeG no Pazo do Hórreo. Precisamente para tratar ese asunto, toda a oposición pediu a comparecencia do conselleiro de Sanidade, Jesús Vázquez Almuiña, pero topou coa negativa do PPdeG.


Pola súa banda, o BNG, como avanzou a súa máxima responsable, Ana Pontón, pedirá ao xefe do Executivo galego que "impida" que a Fundación Francisco Franco converta o Pazo de Meirás nun "parque temático do franquismo" facendo apoloxía do réxime ditatorial, e que promova a "ilegalización" desa entidade.


Á marxe destes asuntos, no pleno tamén se debaterán tres proposicións de lei de PP, PSdeG e BNG, sobre o fomento das iniciativas empresariais, para reformar a norma que rexe a CRTVG e en relación ao sistema de financiamento. Ademais, acudirá á Cámara o conselleiro de Economía, Emprego e Industria, Francisco Conde, para informar de medidas pensadas para os autónomos.


relacionada O PP accede a debater que Meirás pase a ser de titularidade pública
relacionada O PP volve impedir que Feijóo dea explicacións sobre a AP-9

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress