Luca Chao aparca o 'foodtruck' e pedirá recuperar a dedicación exclusiva

|

Lucachao 1Luca Chao recuperará a xornada completa en outubro.


A deputada de En Marea que pediu a dedicación parcial no Parlamento de Galicia o pasado mes de xuño para poder compaxinar o seu cargo cun traballo nun 'foodtruck', Luca Chao, solicitará a dedicación exclusiva a partir de outubro.


En declaracións a Europa Press, a parlamentaria autonómica explicou que reclamará a exclusividade unha vez que finalice a tempada de verán para retomar os seus labores na Cámara con "normalidade".


Luca Chao asegurou que o Grupo Parlamentario de En Marea xa coñecía "desde un principio" a súa intención de que a dedicación parcial "fose temporal". Así, como lembrou, solicitouna no verán ao ser o período no que "máis traballo hai" para o negocio que rexenta xunto á súa parella.


Ao compaxinar ambas as actividades, conforme lembrou, Luca Chao pasou de percibir os 4.800 euros --menos a cantidade que debía achegar á formacións ás que pertence-- a cobrar 2.340. Con todo, no último plenario que En Marea celebrou en xullo foi aceptada unha emenda que tamén a obrigaba a limitar o salario que recibía aínda que fose parcial.


relacionada A deputada de En Marea Luca Chao pide a dedicación parcial para traballar nun 'foodtruck'

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress