A CIG denuncia que lle aplicaron a 'Lei Mordaza' nunha visita da raíña Letizia

O sindicato recibiu unha multa de 300 euros por unha protesta nun instituto no arranque do curso o ano pasado.


|

CigmondonhedomordazaImaxe da concentración ante o instituto.

A Delegación do Goberno comunicou unha multa de 300 euros á CIG-Ensino por unha manifestación coincidindo coa inauguración do curso académico de FP, celebrado o pasado exercicio en Mondoñedo, ao que asistían a raíña Letizia, o ministro de Educación, Íñigo Méndez de Vigo, ou o propio presidente da Xunta, Alberto Núñez Feijóo.


O acto tivo lugar no IES San Rosendo de Mondoñedo, o pasado 4 de outubro de 2016, e o sindicato celebrou unha concentración ante o inmoble para denunciar os recortes educativos e esixir a paralización da Lomce e as 'reválidas'.


"Durante o transcurso do acto de protesta -relata o sindicato- foron permanentes os impedimentos que se puxeron para poder exercer a liberdade de expresión", denunciou a CIG, nun comunicado.


Así, esgrimindo a 'Lei Mordaza', "o instrumento ideado polo PP para o control antidemocrático das loitas contra as restricións de dereitos e contra as mobilizacións que desatenden as ordes de someterse obedientemente", os efectivos despregados no lugar cambiaron de sitio as persoas que alí protestaban e identificáronas a todas.


Un ano despois, o sindicato recibiu unha comunicación de sanción pola citada protesta e acusou ao Executivo 'popular' de tentar "presionar" e "silenciar" as críticas á Lomce e os "ataques ao ensino público".


"Nin nos calaron antes nin nos van a calar agora. Non con provocacións nin con sancións. Seguiremos loitando coa mesma firmeza e coa mesma contundencia", advertiron.


A maiores, pediron aos deputados da oposición do Congreso, que se comprometeron no seu día a traballar para derrogar tanto a Lomce e a Lei Mordaza, "apliquen algo desa contundencia", lembrando que pasou "máis dun ano" desde as eleccións que situaron ao PP en minoría no a cámara.


relacionada Lei mordaza aos que se burlaron na internet dun axente fóra de forma
relacionada Miles de persoas saen á rúa en Galicia para esixir a derrogación da Lomce
relacionada Os sindicatos auguran un curso "complicado" pola parálise do pacto educativo

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE