España reafirma ante a República Checa o bo arranque do Eurobasket

|

EurobasketespczeRicky Rubio foi clave ao comezo do choque. Foto: FIBA


Tras o seu debut cunha vitoria contundente contra Montenegro (99-60), España sumou este sábado o seu segundo triunfo deste Eurobasket sobre República Checa, cun 56-93 no marcador.


Unhas cifras que lle permiten descansar ata o luns como líder do grupo C, cando se terá que medir a Romanía.


O partido estivo encamiñado desde o primeiro cuarto, onde a selección imprimiu un ritmo alto e aproveitouse dunha puntería envexable. Ricky Rubio aproveitou os primeiros minutos para demostrar o seu bo momento.


Só no primeiro tempo, a diferenza de altura por dentro a favor de España serviu para facerse con nada menos que 16 rebotes e chegar ao descanso con 33 puntos arriba.


De modo que de cara ao resultado final do partido, os segundos 20 minutos foron un trámite, excepto porque a selección mantivo o ritmo e a intensidade defensiva e Scariolo puido probar variantes atrás e dosificar minutos.


España chega á súa primeira xornada de descanso con dous de dous e unha elevada media anotadora de 96 puntos por partido. O luns, o rival será Romanía.



Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress