Evacuado en Bruxelas un avión con destino a Madrid por unha falsa ameaza xihadista
Un dos pasaxeiros, "probablemente bébedo", gritou Allahu Akbar e activouse o protocolo de emerxencia.
O pasaxeiro ía "probablemente bébedo".
Un avión de Ryanair que ía despegar do aeroporto belga de Zaventem (Bruxelas) con destino a Madrid foi evacuado antes de partir debido a que un dos seus pasaxeiros gritou Allahu Akbar ('Alá é grande').
Segundo informou a canle VTM a partir de información da Agence Belga, a pesar de que finalmente se trataba dunha falsa ameaza de bomba, a incidencia obrigou á tripulación a activar o procedemento de emerxencia e desaloxar o avión para comprobar de novo toda a equipaxe con cans para detectar calquera posible carga explosiva.
O avión puido finalmente despegar con atraso e a Policía Federal do país abriu unha investigación xudicial sobre o suceso. Segundo o fiscal Ache Vilvoorde, o responsable do incidente foi un individuo residente en Bélxica de orixe italiana que "probablemente ía bébedo" e que viaxaba xunto con outras oito persoas.
Máis policías locais e mellor formados contra o terrorismo xihadista
En Galicia non existen persoas nin grupos radicalizados de xihadismo
O Goberno mantén no nivel 4 a alerta terrorista
Escribe o teu comentario