O rei Xoán Carlos repite esta fin de semana como regatista en Baiona
Participa no Trofeo Príncipe de Asturias a bordo do Bribón Movistar, un veleiro construído en Galicia.
O rei emérito, no veleiro.
O rei Xoán Carlos repite este sábado e domingo como regatista do Bribón Movistar, que forma parte da clase Abanca 6m, na 32ª edición do Trofeo Príncipe de Asturias, que se celebra en Baiona.
Nun comunicado remitido aos medios, a organización explicou que o monarca emérito navega acompañado do seu amigo Pedro Campos a bordo dun veleiro construído en Galicia e co que acudirá, ademais, ao próximo mundial da clase de seis metros, que terá lugar en Vancouver.
Así pois, a súa participación ten lugar o sábado e o domingo, aínda que esta edición arrincou na xornada do venres coas primeiras probas deportivas para os barcos máis grandes e os monotipos.
INCLUSIÓN SOCIAL E PRESENZA FEMININA
Por terceiro ano consecutivo, a embarcación AXA Seguros sairá á auga cunha tripulación formada por persoas con discapacidade intelectual. En concreto, son alumnos do Centro Juan María de Nigrán e estarán acompañados por adestradores e monitores especializados.
Ademais, esta edición contará outra vez cun apartado específico para a vela feminina, o ¡HOLA! Ladies Cup, no que participan equipos formados por seis tripulantes en seis barcos idénticos.
Felipe VI e o Rei emérito presiden o 300 aniversario da Escola Naval en Marín
Escribe o teu comentario