A falta de choivas no último ano supera o 25% en Galicia
Ourense foi o segundo lugar de España que máis precipitacións acumulou nos últimos días, con 59 litros por metro cadrado.
Once meses con pouca auga.
A falta de choivas acumulada desde o 1 de outubro de 2016 ata o 29 de agosto de 2017 supera amplamente o 25 por cento en Galicia, igual que noutras rexións do noroeste peninsular e Canarias, segundo informa a Axencia Estatal de Meteoroloxía (AEMET).
Así, a Aemet precisa que o valor medio das precipitacións acumuladas neste período no conxunto de España é de 531 litros por metro cadrado, é dicir un 12 por cento menos que o valor medio normal que correspondería a este período, que son 601 litros por metro cadrado.
Con todo, sobre as choivas da última semana, nos días dl 23 ao 29, a provincia de Ourense foi un dos puntos onde máis choveu de España, acumulando 59 litros por metro cadrado, só por detrás da serra madrileña.
Mentres, planea sobre Galicia a declaración de alerta por seca, pendente das reunións de varios organismos responsables.
Galicia, a un paso de decretar a alerta por seca este mes de setembro
Gandeiros e medios de extinción, obrigados a compartir depósitos de auga en Ourense
Escribe o teu comentario