O centro de acollida de Pontevedra atende 50 casos de malos tratos animais ao ano

|

Perroveterinario


O centro de acollida e protección animal (CAAN) da Deputación de Pontevedra atende unha media anual de 50 cans procedentes de situacións de malos tratos, segundo informou a deputada Eva Vilaverde durante a presentación da campaña 'Devólvelle a confianza', unha iniciativa de sensibilización sobre a rehabilitación de animais maltratados.


Respecto diso, Vilaverde apuntou que "o propio abandono supón xa de seu malos tratos", e sinalou que "un 15% dos cans recolleitos no CAAN presentaban lesións ou enfermidades graves no momento da súa entrada provocadas por neglixencias e accidentes, pero tamén por situacións obvias de malos tratos severos".


A deputada delegada deste centro estivo acompañada na presentación polo xefe de servizo de Asistencia Intermunicipal, Gabriel Rodríguez, polo xefe do Servizo Veterinario, José Luis Pedreira, e por Ramón Pérez, un veciño de Vilanova de Arousa que acaba de adoptar a Otto, un dos cachorros maltratados recollidos en Soutomaior.


"A Deputación non podía quedar impasible ante os casos tan graves de malos tratos animais que se detectaron nestes últimos tempos", asegurou a deputada.


INTERVENCIÓNS


Durante o ano 2016, o CAAN realizou un total de 1.550 intervencións. Destas, 315 cans foron devoltos ao seu propietario no lugar do aviso; 214 foron recollidos polo propietario no centro, e 969 entraron no centro.


En canto ás cifras de adopcións, durante o pasado ano foron adoptados 445 cans, o que supuxo un gran aumento con respecto ao ano 2015, no que foran adoptados 320. Na actualidade case 600 animais permanecen nas instalacións do CAAN.


relacionada Atopan en Meis unha egua con signos de malos tratos e desnutrición
relacionada Atopan animais mortos e malnutridos nun alpendre dun veciño de Ponte Caldelas

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress