La Caixa leva actividades de envellecemento activo a centros de maiores da Coruña

O obxectivo, mellorar a calidade de vida.

Uns 6.000 maiores participan na Coruña en actividades promovidas pola Obra Social La Caixa para promover "un envellecemento activo e saudable", segundo informa a entidade.

O obxectivo do programa de persoas maiores é "mellorar o benestar deste colectivo fomentando a súa participación social, desenvolvendo actividades que contribúan a mellorar a súa calidade de vida e ofrecéndolles recursos contra a soidade", explica sobre esta proposta.

Esta iniciativa desenvólvese en sete centros de maiores da Coruña en convenio coa Consellería de Política Social. Cada ano, 5.829 persoas maiores participan nas máis de 155 actividades organizadas na Coruña.

En concreto, o taller 'Alimenta o teu benestar' reuniu 169 participantes no seu primeiro curso na Coruña. As novidades a partir deste outono inclúen un taller para evitar caídas e un de desenvolvemento persoal e ciclo vital.