O Dépor aférrase á opción de que Lucas chegue cedido

Ao mercado de fichaxes quédalle un suspiro que na Coruña parecen semanas. E é que parece que ata o último momento non se decidirá o destino de Lucas Pérez.

Con interese por parte de máis clubs españois, como o Levante, e outros equipos ingleses, con podería económico, o Dépor sonda agora a fórmula da cesión.

O Dépor descarta subir a oferta ata os 15 millóns que pide o Arsenal. Por iso, segundo distintos medios, a aposta agora é por unha cesión, a cambio de 3 millóns.

O xogador estivo a fin de semana na Coruña e é coñecido o seu desexo manifesto de regresar ao conxunto branquiazul, pero o aspecto económico non acaba de convencer aos gunners.

Mentres, na praza de Pontevedra trabállase tamén nun plan B para reforzar o ataque por se o galego finalmente acaba vestindo outra camiseta.