Case 26.000 alumnos da Coruña participaron nas actividades de 'eduCaixa'
A iniciativa da Obra Social La Caixa busca ser "un complemento innovador á educación formal das escolas".
Participantes de eduCaixa.
Un total de 195 escolas e 25.994 alumnos da Coruña participaron nas actividades de 'eduCaixa' durante o curso 2016/2017, segundo informa a Obra Social La Caixa promotora desta iniciativa.
Sobre este programa, asegura que busca ser "un complemento innovador á educación formal das escolas que pretende promover o crecemento persoal a través da educación en valores".
A iso, engade os obxectivos de "divulgar a arte e a cultura, espertar vocacións científicas e fomentar a educación financeira e emprendedora".
No marco desta iniciativa, os profesores tamén dispoñen doutro tipo de materiais que poden utilizar para traballar cos alumnos na aula. Así, A través do portal www.educaixa.com, a comunidade educativa conta con recursos multimedia para traballar cos seus alumnos.
Escribe o teu comentario