Un buque militar sae de Ferrol para loitar contra o tráfico de persoas no Mediterráneo

Estará á fronte do operativo internacional activado hai dous anos como resposta á crise migratoria.


|

BuquemilitarcantabriaBuque Cantabria. Foto: Armada Española


O Buque de Aprovisionamento para o Combate "Cantabria", partiu minutos despois das seis da tarde deste sábado de Ferrol para iniciar o seu despregamento en augas do Mediterráneo, onde estará á fronte do Operativo internacional contra o tráfico ilícito de persoas.


A Operación 'EUNAVFOR MED SOPHIA' activouse o 22 de xuño de 2015 para dar resposta á crise migratoria xurdida en augas do sur de Italia, e a ela sumáronse desde entón 25 países, que contribúen con medios navais, aéreos e terrestres.


O BAC "Cantabria" actuará en zona de operacións con buques de países aliados como Italia, Alemaña, Reino Unido e Francia. Por todo iso, este despregamento fomentará a interoperabilidade entre aliados e permitirá incrementar o adestramento e intercambio de coñecementos e experiencias.


Nesta ocasión será España a que liderará a Operación, que estará ao mando do Contraalmirante Javier Moreno a bordo do BAC "Cantabria". Desde o Ministerio de Defensa ponse de manifesto unha vez máis a contribución de España á loita contra o tráfico de persoas que está a ocorrer en augas do Norte de Libia.


Unha vez conclúa a súa participación na operación, o buque ten previsto o seu regreso a Ferrol a mediados de decembro.

relacionada España, disposta a acoller a 500 refuxiados máis ao mes este verán
relacionada A Rede Galega de Apoio aos Refuxiados pide "desatascar" o proceso de acollida

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE