A hipótese principal sostén que os terroristas preparaban un atentado maior
Os Mossos cren que se viron acurralados tras a explosión de Alcanar e improvisaron ataques "á desesperada".
Restos da vivenda que sufriu a explosión.
O maior dos Mossos d'Esquadra, Josep Lluís Trapero, explicou que traballan coa hipótese de que o atentado en Barcelona se preparaba "desde había un certo tempo" no chalé de Alcanar (Tarragona), que rexistrou dúas explosións por bombonas este mércores.
Nunha rolda de prensa xunto ao conseller de Interior da Generalitat, Joaquim Forn, Trapero dixo que unha das liñas de investigación traballa coa idea de que, despois da explosión, "fixeron á desesperada os atentados de Barcelona e Cambrils".
"Non é o que tiñan pensado nun principio", expresou, e dixo que a investigación está centrada en identificar as persoas que se movían no domicilio de Alcanar, dos cinco abatidos en Cambrils e das persoas que alugaron os tres vehículos.
Escribe o teu comentario