Un panfleto protaurino compara o dereito ao aborto coas corridas de touros

Galicia, Mellor Sen Touradas denuncia o contido "filofascista" dun impreso repartido na Coruña.


|

PanfletocorunhatorosO panfleto repartido na Coruña. Foto: GMST


O colectivo Galicia, Mellor Sen Touradas denunciou o contido "filofascista" dun panfleto protaurino repartido na cidade da Coruña. Tamén avanza que están a estudar a posibilidade de remitir unha denuncia administrativa ao Consistorio.


En concreto, indica que varios vehículos estacionados na rúa Durán Loriga apareceron este mércores cunha publicación colocada nos seus parabrisas en apoio á tauromaquia.


Panfletotoroscoruna

Do contido do documento, aseguran que "se chega a atacar o dereito das mulleres para decidir sobre o seu corpo" con frases como "a morte dun fillo pola súa propia nai", remarcan.


Os abolicionistas censuran "a difusión dun documento que atenta contra as liberdades e dereitos fundamentais da cidadanía, ademais de realizar unha vomitiva apoloxía sobre a crueldade cara aos animais, onde se defende toda clase de malos tratos para xustificar as corridas de touros na cidade herculina", añadem.


Por outra banda, tanto Galicia, Mellor Sen Touradas como Mocidade pola Abolición avanzan que estudan denunciar a publicación e a súa repartición no municipio "por carecer da autorización previa do consistorio, unha práctica que pode supoñer multas de ata 1.500 euros", lembran.


relacionada Galicia, Mellor sen Touradas esixe que a lei de benestar animal prohiba a tauromaquia
relacionada Polo menos 30 dos parlamentarios galegos decláranse antitaurinos

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE