Esixen a apertura "inmediata" da planta do Hospital do Salnés pechada no verán

|

HospitalcamasO Hospital do Salnés ten unha planta pechada.


A xunta de persoal da área sanitaria do Salnés presentou este venres a solicitude da apertura "inmediata" da terceira planta e o "reforzo" de persoal "en todos os servizos e categorías".


Esta petición está motivada polo aumento das urxencias durante o verán, "especialmente en datas sinaladas" --concretamente a Festa do Albariño, a Romaría Viquinga ou a Festa da auga--.


Segundo explicou o persoal sanitario nun comunicado, o verán supón un "aumento da presión" do servizo de urxencias do Hospital do Salnés, o que, "xunto ao peche da terceira planta", supón unha "reestruturación" no resto de servizos do centro.


E é que, de acordo ás súas cifras, no que vai de verán chegouse "nalgún momento" aos 165 pacientes atendidos, "cando a media anda polos 105".


A xunta do persoal denunciou que, nos últimos días, hai unha "ocupación elevada", tanto en urxencias como na primeira e segunda planta, "sendo necesario" baixar camas da planta pechada e tendo que asumir a "sobrecarga" de traballo que implica o aumento das camas.


Deste xeito, os sanitarios solicitan a apertura "inmediata" da terceira planta para poder ingresar desde urxencias os enfermos que o precisen, posto que a situación actual "xoga á ruleta rusa" cos pacientes e "abusa da boa vontade" dos traballadores.

relacionada Pacientes nos corredores do Clínico de Santiago e camas que seguen pechadas
relacionada Clamor contra o "indecente número de camas" pechadas nos hospitais
relacionada "Entre o 15 e o 20%" das camas do Sergas estarán pechadas este verán

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress