Unha ducia de mariñeiros de río participan no 'Flota como poidas' deste ano

Un total de doce 'artefactos flotantes' participarán este domingo no 'Flota como poidas' que organiza o Concello de Nigrán (Pontevedra) ás 18,30 horas desde a ponte da Ramallosa, no río Miñor.

O Concello de Nigrán, que asume por segundo ano a organización, premiará o artefacto flotante máis traballado e o máis 'cutre', a tripulación máis simpática, a familia máis intrépida e participativa, a tripulante máis vello e máis novo e ao 'Titanic' da edición.

O evento consta dunha baixada de artefactos flotantes polo río Miñor con saída e chegada ao mesmo punto, nun percorrido circular. Non hai ningunha limitación para a imaxinación na construción dos mesmos, só que flote e poida navegar propulsado a remo ou a vela.

O 'Flota como poidas' coincidirá, como cada ano, coa feira de oportunidades 'Portobello' de Ovalmi e constará tamén dunha actuación de Cultura non Camiño.