Varias concesionarias das liñas de buses deixan nun limbo a 20 condutores

|

Autobuses 1"Nin están contratados nin despedidos".

A comisión de seguimento do plan de transporte da Xunta, posto en marcha esta semana, buscará unha solución para a vintena de traballadores pendentes de subrogación de liñas da Mariña lucense e a provincia de Ourense.


Así, a comisión constituíuse este venres en Santiago con representantes da Administración galega -non estivo presente a conselleira de Infraestruturas--, patronal e sindicatos. Marcouse como data límite o 17 de agosto para solicitar toda a información dispoñible das adxudicatarias saíntes e entrantes nas que existen problemas de subrogación para poder dar unha solución a eses traballadores.


En concreto, hai 14 traballadores afectados nunha liña da Mariña que xestionaba Arriva e coa que se fixo a UTE Autos Morán-Autocares Rodríguez Domínguez; así como outros catro empregados na concesión no Carballiño adxudicada a unha UTE con Autocares Pérez; unido a outra liña do Ribeiro, con entre dous e tres traballadores. Tamén está pendente de analizar outro posible caso na Limia, segundo informa UXT.


Tras unha reunión de máis de dúas horas, Beatriz Meilán, de UXT, remarcou que coa información que se proporcione a comisión buscará unha solución e emitirá a súa opinión nun informe. Neste sentido, Meilán fai fincapé en que estes traballadores "nin están contratados nin están despedidos", polo que "é urxente" poder dar resposta á súa situación.


A este respecto, o director xeral de Mobilidade, Ignacio Masetro, subliña que esta problemática coas subrogacións "afecta a poucos empregos dentro do conxunto total", pero "importan e interesan".


Por iso, Maestro agarda que a comisión poida chegar o "antes posible" a "algún tipo de informe ou acordo". "Non podemos impoñelo, pero a administración vai utilizar todas as súas ferramentas para que isto fágase", deixou claro.


QUITAR ADXUDICACIÓNS "É UNHA POSIBILIDADE"


A preguntas sobre se está encima da mesa a posibilidade de quitar adxudicacións no caso de que se incumpran os pregos de contratación, Beatriz Meilán (UXT) asegura que "esa posibilidade, obviamente, está aí".


"Os pregos de concesións din o que din, se non se cumpren os requisitos que están aceptados pola empresa entrante", explica, aínda que se estudará se empresa saínte "non proporcionou a información como a tiña que proporcionar". Con todo, deixa claro que "non quere dicir que vaia ser así, haberá que ver cando pasen a información".


Por iso, non descarta chegar a tomar medidas por "vía laboral ou administrativa", aínda que espera alcanzar un "entendemento no seo da comisón" e que "non vaia máis aló". O obxectivo é buscar "solucións na propia comisión para non ter que dar traslado a outros estamentos".


PARTICIPACIÓN DA PATRONAL


Sobre a reunión, Ignacio Maestro mostrouse "moi satisfeito" por que participasen tamén membros da patronal, que "en principio non asinaran o acordo para o mantemento do emprego" que se alcanzou cos sindicatos, á vez que valora que membros das federacións de transporte "manifestasen o seu interese en continuar participando nelas".


Finalmente, indica que neste encontro non se abordaron as incidencias relativa a horarios e paradas de autobús da posta en marcha do novo plan, xa que se dá prioridade á problemática dos traballadores.


"CABEZONERÍA"


O deputado do PSdeG Abel Losada asegurou que o "mal funcionamento" nas liñas de autobuses nos primeiros días tras a entrada en vigor do novo plan de transporte de pasaxeiros é consecuencia da "cabezonería" da Xunta, á que acusa de "exercer o poder caia quen caia".


Neste sentido, engadiu que os problemas rexistrados no funcionamento das liñas nos últimos días "é a mostra de que algo está mal feito" e que o plan non axuda a paliar "as dificultades obxectivas" de comunicación que existen en "as zonas máis complexas do país", onde "é máis difícil ter un sistema de transportes competitivo".

relacionada "Innumerables problemas" no arranque do novo plan de transporte
relacionada Traballadores e empresas de buses chegan a un acordo que "vale ás dúas partes"
relacionada A UTE da liña de buses da Mariña deixa tirados a 15 traballadores

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress