Máis de 600 coruñeses participaron no programa de atención psicosocial de La Caixa
Esta iniciativa trata dar unha atención integral ás persoas con enfermidades avanzadas no final dos seus días.
Un total de 671 coruñeses participaron ata a data no programa de atención psicosocial da Obra Social La Caixa, segundo informa a entidade. Esta iniciativa trata de atender as persoas con enfermidades avanzadas no final dos seus días.
Desde 2009, este programa foise ampliando" ata chegar, a día de hoxe, a 123 hospitais de toda España a través de 42 equipos de atención psicosocial", sinalan os seus responsables nun comunicado.
Ademais, remarca que, con esta iniciativa, a entidade busca "impulsar unha atención integral que cubra o apoio psicolóxico, emocional, social e espiritual ao paciente e aos seus familiares". Na Coruña, o programa atendeu ata hoxe 671 pacientes e 1.176 familiares.
Escribe o teu comentario