Galicia "é un dos polos nacionais de compañías biotech"
A nosa comunidade acolle o 7,9% das empresas españolas que realizan actividades en biotecnoloxía.
A biotecnoloxía suma ao emprego e ao PIB.
Galicia acolle no seu territorio o 7,9 por cento das empresas que realizan actividades biotecnolóxicas e ocupa o quinto posto neste ranking, estando por diante unicamente Cataluña, Andalucía, Madrid e País Vasco.
Así o destacou este mércores o Clúster Tecnolóxico Empresarial das Ciencias da Vida Bioga, que destacou que en territorio galego están instaladas o 5 por cento das firmas de toda España cuxa actividade principal é a biotecnoloxía.
En España existen 2.981 empresas que realizan actividades vinculadas á biotecnoloxía (un 8,72 por cento máis que no exercicio anterior), das que 654 son estritamente 'biotech'. Destas últimas, segundo o Informe 2015 do Sector Biotecnológico en Galicia, o 9,3 por cento localízanse en Galicia.
Durante 2016 en Galicia constituíronse o 4,6 por cento das novas empresas creadas en España no sector. Os datos confirman que a comunidade galega "é un dos polos nacionais de xeración de talento e de novas compañías biotech", destacou Bioga.
Así mesmo, a entidade lembrou que as biotecnolóxicas españolas contribuíron de forma directa e indirecta á xeración de 90.000 millóns de euros de renda en 2015, o que supón en torno ao 8,6 por cento do PIB total nacional. O sector representa máis de 930.000 empregos en 2015 en toda España.
Escribe o teu comentario