Caballero, a favor de converter o Cíes nun centro para maiores

|

Caballerovigo 1Caballero déixao en mans da Xunta.


O alcalde de Vigo, Abel Caballero, considerou unha "moi boa idea" a proposta de CCOO de que o inmoble do antigo Hospital Cíes manteña a titularidade pública e sexa utilizado como centro de atención especializada para persoas maiores en situación de dependencia, aínda que dixo que tería que ser "pagándoo a Xunta".


Ao ser cuestionado por este tema este martes, Caballero apuntou que a formulación do sindicato "non é ningunha mala idea" e "a Xunta debería tomar nota disto". "Creo que nun edificio singular e que a sanidade abandonou indebidamente nunha mala decisión, que abran un centro de día e a Xunta o pague íntegro paréceme unha moi boa idea e apóioa", subliñou.


Neste sentido, incidiu en que debe ser a Xunta a que o pague, xa que, criticou, a Administración autonómica "quere que --paguen-- os concellos". "Feijóo, que é un vantaxista político e xoga desde o vantaxismo político, fixo unha lei que nos obriga a pagar aos concellos as cousas da Xunta e a política social da Xunta", reprobou.

relacionada Un modelo de "piso compartido" para maiores no antigo Cíes de Vigo

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress