Venres, 18 de Agosto de 2017 08:52




Número de contacto (34)678803735
redaccion@galiciapress.es

Un só coche de policía e unha patrulla a pé para atender todo Lugo

|

AgentespoliciaNon hai nin axentes en prácticas.


O secretario en Galicia da Unión Federal de Policía (UFP), Miguel González, denunciou este martes a carencia de medios na cidade de Lugo, na que asegurou que "hai días" nos que só sae á rúa un coche policial e unha patrulla a pé.


Miguel González matiza que, mesmo, esta situación é a do escenario máis "optimista", porque en ocasións está "só o coche na rúa e ademais teñen que atender todas as chamadas".


Desta forma ilustrou as carencias de persoal que padecen na Comisaría da capital da provincia, en especial no verán, cando denuncia que a Dirección Xeral de Policía deixou "orfo" este centro policial, así como os de Monforte e Viveiro, de axentes en prácticas.


González asegura que "iso está claro que un mes pódese soportar pero mingua fisicamente os axentes porque acabas vindo ao traballo con tensión, porque en moitas ocasións non dás atendido o que quixeses".


O sindicato policial reivindicou que "se cubran as patrullas e os catálogos de postos de traballo, un catálogo que di que ten que haber douscentos axentes en Lugo e non 170".


González lamenta que "leva moitísimo tempo arrastrando este déficit de persoal e así non podemos estar en todos os sitios". "Ás veces cun só coche na rúa é moi difícil darlle rapidez ás actuacións policiais", alertou finalmente.

relacionada Policías denuncian que "hai días" en que dispoñen de só "un coche patrulla" en todo Lugo
relacionada A falta de policías nacionais en Marín deixa soa á local nalgunhas quendas

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Pombapress animation 1

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress