Atopan a un home falecido nun polígono industrial de Ourense
Aínda se investigan as circunstancias da súa morte nunha das rúas do parque de San Cibrao das Viñas.
A Garda Civil investiga o falecemento.
As forzas da orde investigan o achado do corpo sen vida dun home, atopado no polígono industrial de San Cibrao das Viñas (Ourense) en plena vía pública á primeira hora da mañá deste luns.
O servizo do 112 Galicia tivo coñecemento da situación ás 7,15 horas deste luns, a través dun aviso do 061-Urxencias Sanitarias. O cadáver foi localizado na Rúa 7, en plena vía pública.
Desde o Centro Integrado de Atención ás Emerxencias do 112 alertouse enseguida á Garda Civil. Polo momento, desde o 112 infórmase que se descoñecen as circunstancias nas que se produciu a morte do home.
A Policía rexistra en Ourense un centro dependente da Xunta
Escribe o teu comentario