Luns, 21 de Agosto de 2017 06:24




Número de contacto (34)678803735
redaccion@galiciapress.es

O refuxio para persoas sen fogar da Coruña recibe 13 persoas cada noite

|

Personasinhogar 3En dous meses, máis de 60 persoas atendidas.

O centro municipal Abeiro, posto en marcha polo Consistorio coruñés para persoas sen fogar, recibe unha media de 13 persoas cada día desde a súa apertura hai dous meses, segundo informou a concelleira de Xustiza Social, Silvia Cameán, no balance da actividade do programa de 'baixa esixencia'.


En rolda de prensa, Cameán destacou o "labor fundamental" que leva a cabo este espazo que, nestes dous meses, atendeu a 59 homes e seis mulleres". Tamén precisou que os recursos para resolver o problema das persoas sen fogar na cidade incrementáronse "un 65%", ata os 370.000 euros.


Sobre este programa, indicou que o seu obxectivo é "construír un modelo de cidade diferente que poña no centro ás persoas e a súa dignidade". "Non queremos unha cidade de persoas sen dereito, senón próxima e acolledora", apostilou.


ACTUACIÓNS


Sobre este centro, que busca a atención e inserción social das persoas que pasan a noite na rúa, lembrou que está aberto todos os días do ano, de 21,00 a 08,00 horas. Nel, acóllese ás persoas na rúa, á vez que se analizan vías de intervención e asesoramento laboral ou sanitario.


Paralelamente, procédese á entrega de comida e ofrécese servizo de consigna, de pernoita, seguimento e control de itinerarios de inserción social e colaboración con distintas entidades de apoio social.

relacionada A Policía Local de Lugo pecha con cadeas e cadeados o antigo cuartel de San Fernando

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Pombapress animation 1

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress