Mércores, 23 de Agosto de 2017 10:14




Número de contacto (34)678803735
redaccion@galiciapress.es

Sanidade négalle á Valedora os datos do servizo de citas telefónicas privatizado

|

Telefonofijo2O servizo de cita telefónica é "custoso e deficiente".

A Coordinadora Antiprivatización da Sanidade Pública acusa de "comportamento ilegal" á Consellería de Sanidade pola súa negativa a entregar os informes sobre o servizo de cita telefónica do Sergas que a Valedora do Pobo lle solicitou, e que a plataforma considera deficiente e custoso.


Nun comunicado, Antiprivatización da Sanidade explicou que "tras a denuncia que presentaron ante a Valedora do Pobo" sobre o "deficiente e custoso servizo de atención telefónica do Sergas", xa recibiron dúas respostas nas que o alto comisionado galego lles comunicou que "a consellería non facilita a información requirida".


Neste sentido, a Valedora indicou que "de persistir a actitude non cooperativa" de Sanidade, procederá a informar á administración "das consecuencias legais que esa actitude comporta".


Por iso, esta plataforma denunciou que esta negativa "viola o estipulado polo Valedor do Pobo", un feito que tachan de "grave" porque "mostra un comportamento irrespetuoso cara á cidadanía".


"Cando estamos a vivir certas situacións políticas neste país, nas que vemos como os responsables políticos do actual goberno esixen a outros un comportamento escrupuloso da lei, parece ser que esta obrigación non vai con eles", criticou a organización.


Así pois, concluíu esixindo á Consellería de Sanidade que facilite os informes que pide a Valedora, para así aclarar "con datos o desastroso funcionamento do servizo de cita telefónica, que provoca inconvenientes tanto á cidadanía como aos profesionais e que custa dous millóns de euros anuais".

relacionada Piden á Valedora investigar o "mal servizo" de cita telefónica do Sergas tras a súa privatización
relacionada As queixas á Valedora dispáranse, coas cuestións sanitarias á cabeza

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Pombapress animation 1

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress