A Fiscalía non ve censurable que o xefe de Anticorrupción teña unha empresa nun paraíso fiscal

|

ManuelMoix 1Moix dimitiu cando se destapou a noticia.

A Fiscalía Xeral do Estado descarta abrir un procedemento disciplinario ao ex fiscal xefe Anticorrupción Manuel Moix ao non atopar incompatibilidades do seu cargo con ser dono dun 25 por cento dunha sociedade en Panamá, resolvendo así a polémica que o levou a presentar a súa dimisión o pasado 1 de xuño.


Tras coñecerse os intereses de Moix en Panamá, a Fiscalía Xeral do Estado recibiu escritos nos que se pedía abrir un expediente para resolver se realmente Moix, polo seu status profesional, estaba a vulnerar o réxime de incompatibilidades.


O artigo 57.7 do Estatuto da Carreira Fiscal sinala como incompatible con cargos fiscais "o exercicio de toda actividade mercantil". Así mesmo, o artigo 57.8 desta mesma lei establece que os fiscais non poden desenvolver as "funcións de director, xerente, administrador, conselleiro, socio colectivo ou calquera outra que implique intervención directa, administrativa ou económica en sociedades ou empresas mercantís, públicas ou privadas de calquera xénero".


Ante isto, o fiscal xefe Inspector da Fiscalía Xeral do Estado, Fausto Cartagena Pastor, emitiu un decreto o pasado 26 de xullo, ao que tivo acceso Europa Press, no que directamente arquiva este expediente ao non atopar motivo disciplinario algún nos feitos denunciados.


"Non se advirte nos feitos denunciados indicio algún que permita incardinalos no tipo infractor disciplinario que pretende a denuncia, nin en ningún outro, sen que tampouco resulte procedente practicar dilixencia algunha", di o fiscal inspector.


Engade que ser o titular do 25 por cento de unha sociedade cuxo único ben é un inmoble -un chalé en Collado Villalba, herdado de seu pai--, "sen participar nese ente non comporta a comisión de infracción disciplinaria algunha".

relacionada Moix di que renunciou ao seu cargo para protexer á súa familia e ao Ministerio Fiscal
relacionada O fiscal anticorrupción Manuel Moix comunica a súa dimisión
relacionada O fiscal xefe Anticorrución ten unha empresa nun paraíso fiscal

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress